У Косаве дэпутатка закідала яйкамі прэм'ера ВІДЭА
«Ганьба!» — крычыла дэпутатка, дастаючы яйкі з сумачкі.
Скрыншот відэа
У Косаве дэпутатка ад апазіцыі Тайм Кадрыяй закідала яйкамі выконваючага абавязкі прэм’ер-міністра Альбіна Курці. Гэта адбылося ў парламенце пасля таго, як Курці заявіў, што яму трэба больш часу на перамовы з іншымі партыямі, перш чым вылучаць кандыдата на пасаду спікера пасля датэрміновых выбараў у чэрвені.
Тады дэпутатка дастала са сваёй сумкі яйкі і кінула іх у прэм’ера. «Ганьба, ганьба!» — крычала яна.
Пасля ўмешаліся іншыя дэпутаты і ахова і спынілі закідванне яйкамі.
У Косаве за апошнія паўтара года прайшло трое датэрміновых выбараў у парламент.