Місію дэмакратычных сілаў Беларусі ва Украіне ўзначаліла Вольга Зазулінская
Раней Зазулінская адказвала за сацыяльную палітыку ў Аб’яднаным пераходным кабінеце.
Вольга Зазулінская. Фота: «Наша Ніва»
На канферэнцыі «Новая Беларусь» было агучана некалькі кадравых перастановак у дэмакратычных сілах.
Так, Місію дэмакратычных сілаў Беларусі ва Украіне ўзначаліла Вольга Зазулінская. Раней на гэтай пасадзе была Святлана Шаціліна.
Вольга Зазулінская раней адказвала за сацыяльную палітыку ў Аб’яднаным пераходным кабінеце, дапамагала прымаць палітвязняў, дэпартаваных з Беларусі. У 2022‑2026 гадах кіравала дабрачынным фондам «Краіна для жыцця». Родам са Стоўбцаў, да прыходу ў палітыку працавала бухгалтарам і прадпрымальнікам. Беларусь пакінула ў лістападзе 2020 года.
Цяпер за сацыяльную палітыку ў Кабінеце будзе адказваць Юлія Міцкевіч.