Больш за 60 тысяч жыхароў Прыднястроўя падалі заявы на расійскае грамадзянства
Указ аб спрошчаным прыёме ў грамадзянства Расіі жыхароў Прыднястроўя Уладзімір Пуцін падпісаў у сярэдзіне мая.
За апошнія тры месяцы жыхары непрызнанага Прыднястроўя падалі больш за 60 тысяч заяў на атрыманне расійскага грамадзянства ў спрошчаным парадку. Пра гэта «Известиям» распавёў кіраўнік самаабвешчанай рэспублікі Вадзім Краснасельскі.
Паводле яго слоў, цяпер жыхары Прыднястроўя сутыкнуліся з новай праблемай. Нядаўна расійскія ўлады павысілі дзяржпошліну за афармленне расійскага грамадзянства і выхад з яго. З 1 жніўня ў консульскіх установах за межамі РФ за падачу заявы неабходна заплаціць 600 даляраў замест ранейшых 65.
Указ аб спрошчаным прыёме ў грамадзянства Расіі жыхароў Прыднястроўя Уладзімір Пуцін падпісаў у сярэдзіне мая.
Зараз у Прыднястроўі пражывае каля 460 тысяч чалавек. З іх 220 тысяч ужо маюць расійскае грамадзянства.
Чытайце таксама:
Пуцін падпісаў указ аб раздачы пашпартоў жыхарам Прыднястроўя