З-за ўдару дрона не працуе пункт пропуску на беларуска-расійскай мяжы
Рух будзе закрыты да раніцы серады.
З-за ўдару дрона сёння не працуе пункт пропуску «Чырвоны Камень» на расійска-беларускай мяжы.
Паводле інфармацыі падпісчыкаў тэматычных груп, раніцай у раёне памежнага перахода «Чырвоны Камень» была зафіксаваная атака БПЛА. У выніку загарэліся два грузавыя аўтамабілі з паўпрычэпамі, піша «Флагшток».
Чакаецца, што з-за інцыдэнту рух праз пункт пропуску застанецца закрытым як мінімум да заўтрашняй раніцы.