Зяленскі заявіў пра ўдар па расійскай вайскова-марской базе ў Новарасійску
Прэзідэнт Украіны назваў аперацыю ўнікальнай.
Дым над портам Новарасійска
Украінскія Сілы абароны ў ноч на 12 жніўня нанеслі ўдар па расійскай вайскова-марской базе ў Новарасійску. Пра гэта заявіў прэзідэнт Украіны Уладзімір Зяленскі.
Паводле яго, у аперацыі выкарыстоўваліся рэактыўныя дроны «Паляніца», ракеты «Нептун» і марскія беспілотныя сістэмы.
Зяленскі назваў аперацыю ўнікальнай. Паводле яго, цэллю стала вайскова-марская база ў Новарасійску — апошні асноўны фарпост расійскага флоту ў Чорным моры, размешчаны больш чым за 300 км ад лініі фронту.
Украінскі прэзідэнт сцвярджае, што ў выніку ўдару былі паражоныя пазіцыі расійскай СПА, прычалы і інфраструктура марскога порта.
Зяленскі таксама апублікаваў відэа начной працы расійскай супрацьпаветранай абароны ў Новарасійску.
Расійскія каналы ўначы паведамлялі пра атаку беспілотнікаў і працу СПА ў горадзе.
Расійскія ўлады заявілі, што ў Краснадарскім краі, у тым ліку ў Новарасійску, у выніку начной украінскай атакі два чалавекі загінулі і 13 пацярпелі.