Жанчына памерла, папярхнуўшыся долькай апельсіна
Трагедыя здарылася ў Полацку.
Інцыдэнт адбыўся ў прысутнасці сужыцеля загінулай. Мужчына распавёў, што падчас ежы жанчына раптам пачала задыхацца і страціла прытомнасць, паведаміў Дзяржкамітэт судовых экспертыз.
Ён паспрабаваў аказаць ёй дапамогу самастойна і выклікаў брыгаду хуткай медыцынскай дапамогі. Нягледзячы на праведзеныя рэанімацыйныя мерапрыемствы, выратаваць жанчыну не ўдалося — была канстатавана смерць.
Экспертыза ўстанавіла, што смерць наступіла ад механічнай асфіксіі ў выніку закрыцця прасвету дыхальных шляхоў долькай апельсіна.