У Брэсце хлопчык упаў у катлаван на цеплатрасе
12 жніўня на лінію 112 паступіла паведамленне пра тое, што на вуліцы Маскоўскай у Брэсце дзіцяці патрэбная дапамога, паведамляе прэс-служба МНС.
Калі падраздзяленні МНС прыбылі на месца здарэння, высветлілася, што хлопчык знаходзіўся ў катлаване раскапанай цеплатрасы на глыбіні каля трох метраў.
Работнікі МНС дасталі дзіця на паверхню і перадалі яго брыгадзе хуткай медыцынскай дапамогі.
Пасля агляду медыкамі хлопчыка шпіталізавалі.