Салават у Башкартастане атакуюць украінскія дроны
Імаверна, гарыць НПЗ.
Кіраўнік Башкартастана Радзій Хабіраў паведаміў, што ўкраінскія беспілотнікі атакуюць рэгіён — «абломкі аднаго з беспілотнікаў упалі ў прамысловай зоне Салавата», узнік пажар. Іншых падрабязнасцяў ён не прыводзіць.
Украінскія маніторынгавыя каналы Supernova і Exilenova публікуюць фота і відэа пажару на, як сцвярджаецца, нафтаперапрацоўчым заводзе ў Салаваце.
Раней у Башкартастане была абвешчана беспілотная небяспека.