У Краматорску ў выніку расійскага ўдару загінуў адзін чалавек, 15 параненыя
Удар быў нанесены ўчора вечарам.
У Краматорску ўвечары ў чацвер у выніку расійскіх удараў загінуў прынамсі адзін чалавек, яшчэ 15 атрымалі раненні. Пра гэта паведаміў у сацыяльных сетках кіраўнік Данецкай абласной адміністрацыі Вадзім Філашкін.
Паводле слоў Філашкіна, цягам прыкладна паўгадзіны, пачынаючы з паловы дзевятай вечара, расіяне восем разоў нанеслі ўдары — паводле папярэдняй інфармацыі, авіябомбамі — па Краматорску і вёсцы Бяленкае, якая прымыкае да горада з поўначы.