У Гомелі знайшлі нечаканае прымяненне старому айфону
Майстэрняў па рамонце гаджэтаў у буйных гарадах даволі шмат, таму часам даводзіцца ісці на асаблівыя хітрыкі, каб прыцягваць кліентаў.
Часам гэта атрымліваецца выпадкова. Менавіта так здарылася з гомельскай майстэрняй Restudia па адрасе: вуліца Савецкая, 40, піша Blizko.by.
Яе «фішку» заўважыла мясцовая жыхарка Вікторыя, пра што распавяла ў Threads. Увагу дзяўчыны прыцягнула смешная дэталь. Дзверы ў майстэрню падпірала мадэль айфона. Хутчэй за ўсё, смартфон быў непрацоўным альбо муляжом, але дзяўчыну такі стопер рассмяшыў.
— Якасны рамонт тэлефонаў у Гомелі, — падпісала дзяўчына.
Іншыя карыстальнікі падтрымалі жарт супрацоўнікаў:
- «Добры спосаб прымусіць SMM-шчыка хоць неяк працаваць».
- «Адразу відаць — бізнес для душы».
- «Вось вам смешна, а ў майго такая ж расколіна была».
- «Чорт, дык гэта ж мой».