Лукашэнку падарылі першы беларускі аўтамат
«Не для вайны… Для ўпэўненасці ў міры!» — напісана на таблічцы да падарунка.
Аляксандр Лукашэнка падчас наведвання вытворчасці ААТ «Кідма Тэк», якая займаецца выпускам стралковай зброі, атрымаў у падарунак першы беларускі аўтамат ВСК-100Б.
«Не для вайны… Для ўпэўненасці ў міры!» — напісана на таблічцы да падарунка.
Лукашэнка заявіў, што стралковая зброя вельмі важная для войска, нават пры наяўнасці беспілотнікаў або балістычных ракет.
«На полі бою лёс вырашаюць людзі, салдаты. А для салдат трэба гэта. Без гэтай зброі мы нічога не зробім», — сказаў ён
«Мы зрабілі гэта самі. Без гэтага няма ніякай вайны, ніякай абароны. Для таго, каб ваяваць, патрэбная стралковая зброя. Таму гэта вельмі важна. Гэта аснова любога войска», — дадаў Лукашэнка.