Чатырох падлеткаў затрымалі за распаўсюд наркотыкаў
Супрацоўнікі наркакантролю пры сілавой падтрымцы байцоў АМАПа затрымалі чатырох мінчан узростам 14, 15, 17 і 18 гадоў, паведамляе прэс-служба МУС.
Яны працавалі аптовымі і рознічнымі кур’ерамі інтэрнэт-крамы па продажы забароненых рэчываў. Фасавалі «тавар» на дробныя партыі, якія затым распаўсюджвалі праз закладкі на тэрыторыі сталіцы.
Пры іх і ў тайніках было выяўлена і канфіскавана небяспечнае наркатычнае рэчыва — гашыш. Прапанову незаконнага заробку фігуранты знайшлі ў інтэрнэце. Праца доўжылася некалькі тыдняў.
Заведзена крымінальная справа. Затрыманым пагражае да 20 гадоў пазбаўлення волі. Адказнасць за гэта надыходзіць з 14 гадоў.