У Акцябрскім раёне рабочага забіла пры распілоўванні дрэва
Няшчасце здарылася 18 жніўня.
36‑гадовы жыхар Светлагорска без афіцыйнага працаўладкавання выконваў паслугі прыватнай кампаніі, што спецыялізуецца на лесанарыхтоўках. На тэрыторыі «Акцябрскага лясгаса» мужчына распілоўваў паваленыя ствалы дрэў і абразаў галінкі бензапілой, паведамляе СК.
На бензапіле разарваўся ланцуг, які сарваўся і ўдарыў рабочага. Ад атрыманых траўм ён памёр.