У Беларусь прыляцеў прэзідэнт М'янмы
Мін Аун Хлайн прыехаў сюды па заканчэнні візіту ў Расіі.
Фота: AP Photo/Pavel Bednyakov, Pool
Прэзідэнт М’янмы Мін Аун Хлайн прыбыў у Беларусь з афіцыйным візітам, піша БелТА.
Сустрэча з Лукашэнкам запланавана на пятніцу. Яны абмяркуюць стан і перспектывы развіцця двухбаковага супрацоўніцтва, ключавыя кірункі якога вызначаныя ў дарожнай карце на 2026—2028 гады.
Мін Аун Хлайн прыйшоў да ўлады ў М’янме ў выніку вайсковага перавароту, што адбыўся ў лютым 2021 года і ў выніку якога ў турму кінулі лідарку краіны, нобелеўскую лаўрэатку Аун Сан Су Чжы. З таго часу ён узначальваў часовы ўрад. У 2026 годзе парламент абраў яго прэзідэнтам.