Чацвёра непаўналетніх трапілі ў ДТЗ у Полацкім раёне
16‑гадовы падлетак кіраваў аўтамабілем Citroen.
У салоне машыны ён перавозіў кампанію з чатырох чалавек, трое з якіх — непаўналетнія, паведамляе Следчы камітэт.
Ноччу на 98‑м кіламетры аўтадарогі «Полацк — Віцебск» не даў рады кіраванню і з’ехаў у кювет, дзе аўтамабіль перакуліўся і здзейсніў наезд на апору лініі электраперадачы.
У выніку аварыі непаўналетні бяспраўнік апынуўся заціснутым у салоне аўтамабіля. У ДТЗ таксама пацярпелі пасажыры. Усіх пацярпелых даставілі ў бальніцу.