Войскі Расіі скінулі авіябомбу на супермаркет у цэнтры Краматорска
Будынак часткова разбураны і гарыць.
«Данбас Рэаліі» паказаў наступствы. Людзей вывелі з будынка пасля пачатку паветранай трывогі. З 10:50 войскі РФ 9 разоў ударылі па горадзе, 7 чалавек атрымалі раненні, паведаміў кіраўнік АВА Вадзім Філашкін.
«Папярэдне, былі выкарыстаныя авіябомбы ФАБ-250 з модулямі УМПК. Зафіксаваныя траплянні ў краму, прадпрыемства і аб'ект інфраструктуры», — напісаў Філашкін.