Чатыры раёны Гомельшчыны пацярпелі ад моцнага ветру
Выпадкаў траўмавання людзей не зафіксавана.
Увечары ў чацвер у выніку дажджу і моцнага ветру ў Гомельскай вобласці зафіксаваныя выпадкі падзення дрэў і пашкоджання даху дома. Цяць выпадкаў падзення дрэў зафіксавалі ў Ельскім раёне, два — у Хойніцкім, па адным — у Рэчыцкім і Рагачоўскім раёнах, паведамляе МНС.
Работнікі МНС прыцягваліся да ўборкі і распілоўвання паваленага дрэва ў Ельскім раёне. Таксама пашкоджаны дах прыватнага жылога дома ў Хойніках на вуліцы Савецкай.
Выпадкаў траўмавання людзей не зафіксавана.