Турцыя запрасіла ў Інтэрпала дазвол на арышт Нетаньяху
Запыты на арышт у дачыненні да прэм’ер-міністра Ізраіля, а таксама камандуючага ВМС Ізраіля былі накіраваныя «за злачынствы супраць актывістаў флатыліі «Глабальны Сумуд».
Біньямін Нетаньяху. Фота: Win McNamee / Getty Images
Турцыя запрасіла ў Інтэрпала дазвол на арышт Нетаньяху Пра гэта паведаміў міністр юстыцыі Турцыі Акін Гюрлек, піша CNN Türk.
Запыты на арышт у дачыненні да прэм’ер-міністра Ізраіля Біньяміна Нетаньяху, а таксама камандуючага ВМС Ізраіля Афека Масковіча былі накіраваныя «за злачынствы супраць актывістаў флатыліі «Глабальны Сумуд», уключаючы генацыд і злачынствы супраць чалавечнасці».
Канфлікт вакол флатыліі «Глабальны Сумуд» узнік пасля таго, як ізраільскія вайскоўцы перахапілі ў міжнародных водах Міжземнага мора міжнароднае судна гуманітарнага канвою з грузам для сектара Газа, затрымаўшы праваабаронцаў і грамадзян Турцыі, якія знаходзіліся на борце.
У адказ на гэта стамбульскі суд па пазовах пацярпелых актывістаў распачаў крымінальную справу супраць 35 ізраільскіх чыноўнікаў і вайскоўцаў на чале з прэм’ер-міністрам Біньямінам Нетаньяху, абвінаваціўшы іх у генацыдзе і злачынствах супраць чалавечнасці, і выдаў ордары на іх арышт.