У Бабруйску 16‑гадовы матацыкліст урэзаўся ў машыну на ўзбочыне
Аварыя адбылася ўвечары 19 жніўня на вуліцы Шыннай каля дома №25, паведамляе УУС Магілёўскага аблвыканкама.
Падлетак, які ехаў на матацыкле Stels, не справіўся з кіраваннем і сутыкнуўся з аўтамабілем, прыпаркаваным на краі праезнай часткі.
У выніку дарожна-транспартнага здарэння 16‑гадовага матацыкліста з траўмамі даставілі ў бальніцу.