Зацвердзілі генеральныя планы Віцебска, Гомеля і Магілёва
Пастанову Савета Міністраў аб зацвярджэнні генпланаў трох беларускіх абласных гарадоў падпісаў прэм’ер-міністр Аляксандр Турчын.
Здымак ілюстрацыйны. Фота з сацсетак
Генеральныя планы вызначаюць стратэгію сацыяльна-эканамічнага і тэрытарыяльнага развіцця Віцебска, Гомеля і Магілёва да 2035 года.
У дакументах вызначаныя аптымальныя планіровачныя структуры і функцыянальнае занаванне гарадоў, прынцыпы аховы навакольнага асяроддзя, развіцця сістэмы грамадскага абслугоўвання, інжынернай і транспартнай інфраструктуры.
Таксама генеральныя планы прадугледжваюць стварэнне бяспечнага, безбар’ернага і камфортнага асяроддзя для жыцця насельніцтва.