У Шклоўскім раёне згарэў птушнік
26 жніўня каля вёскі Боркі-1 Шклоўскага раёна загарэўся будынак птушніка. Калі ратавальнікі прыбылі на месца, ён ужо гарэў адкрытым полымем.
Скрыншот з відэа
Пажар удалося ліквідаваць. На момант узгарання ўнутры будынка не было ні людзей, ні птушак, таму ніхто не пацярпеў. На месцы працавалі сем адзінак тэхнікі МНС.
Прычыны і абставіны пажару цяпер высвятляюцца.