З верасня ў Мінск вернуцца сельскагаспадарчыя кірмашы
У сталіцы будзе арганізавана каля 90 пляцовак для гандлю сезоннай гароднінай, расказаў першы намеснік старшыні Мінгарвыканкама Аляксандр Камендант, пішуць Мінск-Навіны.
Фота: Мінская праўда
Як і ў папярэднія гады, кірмашы будуць праходзіць у кожным раёне сталіцы. Агульнагарадскі гандаль разгорнецца таксама на пляцоўцы каля «Чыжоўка-Арэны», якая можа размясціць вялікую колькасць прадаўцоў і пакупнікоў.
Аднак ёсць і істотнае змяненне: кірмашы каля Палаца спорту зноў пачнуць праводзіць на рэгулярнай аснове.
Каля Палаца спорту, акрамя адкрыцця, будуць праходзіць кірмашы выхаднога дня на працягу верасня, кастрычніка і лістапада, калі дазволяць умовы надвор’я.