Нацыянальны аэрапорт Мінск сустрэў першы рэйс з Душанбэ
Самалёт авіякампаніі Somon Air прызямліўся пад вадзяной аркай — традыцыйным сімвалам адкрыцця новага маршруту, піша БелТА.
Ля трапа пасажыраў і экіпаж сустрэлі з традыцыйным беларускім караваем.
«Гэта хуткі і камфортны для пасажыраў спосаб дабрацца да месца прызначэння без працяглых перасадак. Выказваем упэўненасць, што авіякампанія не абмяжуецца адным рэйсам на тыдзень, і гатовыя да абслугоўвання росту пасажырапатоку на напрамку паміж Душанбэ і Мінскам з якасцю, якая адпавядае міжнародным стандартам», — адзначыў генеральны дырэктар Нацыянальнага аэрапорта Мінск Уладзімір Чаравухін.
Палёты будуць выконвацца адзін раз на тыдзень — па суботах.