У Лунінецкім раёне аўтамабіль насмерць збіў пешахода
ДТЗ са смяротным вынікам адбылося позна ўвечары 28 жніўня ў аграгарадку Кажан-Гарадок Лунінецкага раёна, паведамляе УУС Брэсцкага аблвыканкама.
Каля 22:20 29‑гадовы кіроўца Audi ехаў па вуліцы Пятра Янкевіча ў напрамку ад вёскі Лахва да вуліцы Гімбатава. Каля дома №41 аўтамабіль збіў 33‑гадовага мясцовага жыхара, які знаходзіўся на праезнай частцы.
Пешаход не меў святлоадбівальнага элемента. Ад атрыманых траўмаў ён загінуў на месцы.