УСУ нанеслі ўдары па базах беспілотнікаў у Арлоўскай і Растоўскай абласцях
Украінскія войскі нанеслі масаваныя дальнабойныя ўдары па аб'ектах захоўвання, падрыхтоўкі і запуску расійскіх БПЛА ў Арлоўскай і Растоўскай абласцях, заявіў прэзідэнт Украіны Уладзімір Зяленскі.
Прэзідэнт Украіны таксама пацвердзіў пашкоджанні вайсковага аэрадрома ў Ейску і НПЗ у Ленінградскай вобласці.
Зяленскі падкрэсліў, што ўкраінскія «дальнабойныя адказы» працуюць справядліва і накіраваныя на тое, каб пазбавіць агрэсара рэсурсаў для вядзення вайны, і заклікаў міжнародных партнёраў узмацніць санкцыі супраць расійскай ваеннай інфраструктуры і імпарту замежных кампанентаў.