Украінскія дроны ўдарылі па «Азоне» ў Белгарадзе
Маркетплэйс у горадзе часова не прымае заказы.
Украінскія дроны ўдарылі па «Азоне» ў расійскім Белгарадзе.
У кампаніі пацведзілі, што пад атаку трапіў сартавальны цэнтр і хаб дастаўкі. Пачаўся пажар. Супрацоўнікі былі эвакуяваныя, па папярэдніх даных, ёсць пацярпелыя.
Ozon прыпыніў прыём і дастаўку тавараў у Белгарадзе. «Адновім дастаўку і прыём тавараў пасля таго, як перабудуем лагістычныя маршруты», — паведамілі ў кампаніі.
Таксама ў Белгарадзе дроны трапілі па ЦЭЦ і электрычных падстанцыях.
Чытайце таксама:
У Растоўскай вобласці атакаваны склад Ozon. Пацярпелі сем чалавек