У Брэсце жанчына праз шумных суседзяў стала кідаць вазоны з акна
Жанчына вазонамі разбіла чужы аўтамабіль.
У Брэсце жанчыне шумныя суседзі некалькі сутак запар перашкаджалі ноччу спаць. Каб «выпусціць пару», яна стала кідаць вазоны ў акно.
Адзін з іх упаў на прыпаркаваны каля дома аўтамабіль Toyota.
На даху машыны засталася ўмяціна, разбілася шкло люка, а на лакафарбавым пакрыцці з'явіліся драпіны і сколы.
Згодна з высновамі эксперта, агульны памер нанесенай шкоды, які жанчыне давядзецца кампенсаваць, склаў 2400 рублёў.