Адзін біў па «грушы», другі ўскрываў аўтамат. Двое хлопцаў абрабавалі два дзясяткі сіламераў
Міліцыя затрымала 19‑гадовага і 20‑гадовага жыхароў сталіцы. Паводле сілавікоў, яны не менш за 20 разоў узломвалі гульнявыя аўтаматы для вымярэння сілы ўдару і вынеслі з іх чатыры тысячы рублёў.
На відэа хлопцаў, што рабуюць аўтамат, не двое, а трое
Маладыя людзі дзейнічалі паводле адной схемы. Адзін з іх рабіў выгляд, што гуляе: назіраў за наваколлем і біў па падвешанай «грушы». У гэты час другі ўскрываў корпус сіламера і забіраў грошы.
Наяўныя яны складалі ў заплечнік. Паводле версіі міліцыі, выкрадзеныя грошы хлопцы трацілі на таксі і забавы для сябе і сяброў.
Цікава, што на відэа, якое паказала міліцыя, хлопцаў, што рабуюць аўтамат, не двое, а трое.