Алесь Бяляцкі сёння выступіць на Нобелеўскай канферэнцыі ў Осла
Праваабаронца і Нобелеўскі лаўрэат 2022 года Алесь Бяляцкі возьме ўдзел сёння, 3 верасня, у панэлі «Абарона дэмакратыі ва ўмовах росту аўтарытарызму», піша «Вясна».
Нобелеўскія лаўрэаты розных гадоў: журналістка Марыя Рэса (Філіпіны), палітык Хуан Мануэль Сантас (Калумбія) і праваабаронца Алесь Бяляцкі (Беларусь)
Панэль пачнецца з ключавога выступу, пасля якога адбудзецца размова паміж Нобелеўскімі лаўрэатамі прэміі міру і актывістам пакалення Z. Удзельнікі абмяркуюць, як абараняць дэмакратычныя каштоўнасці і правы чалавека ва ўмовах узмацнення аўтарытарных рэжымаў.
«У кожнага свая жыццёвая гісторыя, але багата чаго і агульнага: барацьба за больш справядлівы свет», — напісаў Алесь Бяляцкі ў сацсетках.