У Мінску BMW пры развароце ўрэзаўся ў агароджу і Mercedes
Днём 4 верасня 31‑гадовы кіроўца аўтамабіля BMW, паводле папярэдняй інфармацыі, не даў рады кіраванню падчас развароту на скрыжаванні вуліц Льва Талстога і Вакзальнай, паведамляе УДАІ ГУУС Мінгарвыканкама.
Машына выехала на раздзяляльную паласу, пасля чаго сутыкнулася з металічнай агароджай і прыпаркаваным аўтамабілем Mercedes.
У выніку аварыі ніхто не пацярпеў. Цяпер рух на гэтым участку дарогі ўжо адноўлены.