У Крыме ў выніку ўдару УСУ загінуў кіраўнік расійскага фонду «Народны фронт. Усё для Перамогі!»
Паветраны ўдар адбыўся сёння.
У Крыме ў выніку паветранай атакі Узброеных сіл Украіны загінуў выканаўчы дырэктар дабрачыннага фонду «Народны фронт. Усё для Перамогі!» Анатоль Чарнышоў. Пра гэта паведамілі ў «Народным фронце».
«Паблізу вёскі Скварцова Сімферопальскага раёна Рэспублікі Крым Анатоль Чарнышоў атрымаў мінна-выбуховыя траўмы ў выніку паветранай атакі УСУ. Ён быў дастаўлены ў бальніцу, аднак выратаваць яго не ўдалося», — гаворыцца ў паведамленні.
Анатолю Чарнышову было 58 гадоў. Яго пасмяротна ўзнагародзілі ордэнам мужнасці.
Фонд займаўся арганізацыяй дапамогі расійскім акупантам.