Сталі вядомыя пераможцы сёлетняй Нацыянальнай літаратурнай прэміі. Не абышлі і Ігара Марзалюка
Сталі вядомыя пераможцы ў асноўных намінацыях Нацыянальнай літаратурнай прэміі Беларусі 2026 года, паведамляе тэлеканал АНТ.
Ігар Марзалюк. Фота: «Наша Ніва»
У намінацыі «Паэзія» перамагла Вольга Русілка з кнігай «Котра».
Найлепшым у драматургіі прызналі Анатоля Зэкава за кнігу «Двор пад буслінымі крыламі».
У публіцыстыцы перамогу атрымаў Ігар Марзалюк з кнігай «Кроў на белым тле: беларускія калабарацыяністы ў часы акупацыі БССР».
У намінацыі «Літаратурная крытыка і літаратуразнаўства» адзначылі Дзмітрыя Радзівончыка за кнігу «Масты і берагі. Нарэшце я зразумеў, як гэта працуе…».
Пераможцам у катэгорыі «Дзіцячая і падлеткавая літаратура» стаў Генадзь Аўласенка з кнігай «Як Вадзянік з людзей жартаваць спрабаваў».
За найлепшы дэбют узнагароду атрымала Паліна Корнева з кнігай «Запіскі юнай хірургіні».
Усе пералічаныя выданні выйшлі па-беларуску.
Чытайце таксама:
Прапагандыст Баравік да Дня Расіі напісаў надзвычай бяздарны верш з яе праслаўленнем
У Расіі літаратурную прэмію ўручылі Сіманьян, Міхалкову і Прылепіну
Лаўрэатам Нацыянальнай літаратурнай прэміі стаў палітолаг-прапагандыст Вадзім Баравік