Расійская спявачка МакSім разам з гродзенскай ДАІ расказала, як трэба хадзіць «уздоўж начных дарог»
Расійскую спявачку, чыя песня «Знаешь ли ты» пра начныя дарогі стала хітом, прыцягнулі да рэкламы флікераў для беларускіх пешаходаў.
У інстаграме гродзенскай ДАІ з’явіўся ролік, у якім расійская спявачка МакSім нагадала беларусам пра неабходнасць насіць флікеры ў цёмны час сутак.
У роліку інспектар ДАІ звярнуўся да пешаходаў: калі яны не хочуць слухаць яго калег, няхай паслухаюць МакSім.
«Дарагія гродзенцы і беларусы. Калі вы ідзяце ўздоўж начных дарог, не забывайце браць з сабой флікер», — сказала спявачка.
«Уздоўж начных дарог» — адсылка да песні «Знаешь ли ты», якая выйшла ў 2006 годзе і стала адным з галоўных хітоў МакSім.
Відэа сабрала амаль пяць тысяч лайкаў і каля 200 каментароў.