Шашлык у Брэсце абышоўся ў 14,5 тысячы рублёў
Пасля гатавання гаспадары залілі вуголле вадой і паставілі мангал у гаспадарчую пабудову. Праз некаторы час там пачаўся пажар, які перакінуўся на суседні ўчастак.
Агонь пашкодзіў гаспадарчую пабудову суседа, часткі аўтамабіля, бытавыя рэчы і шматлікія інструменты.
Эксперты Дзяржаўнага камітэта судовых экспертыз ацанілі вартасць пашкоджаных рэчаў у 3900 рублёў. Яшчэ 10 600 рублёў спатрэбіцца на рамонт суседскай гаспадарчай пабудовы.
Прычынай пажару назвалі парушэнне правілаў бяспекі.