У Маскве і Кіеве пракаментавалі візіт Уіткафа і Кушнера
І там, і там бачаць пазітыў.
Джарэд Кушнер і Стыў Уіткаф. Фота: Ukrainian Presidential Press Office via AP
Сустрэча прэзідэнта Расіі Уладзіміра Пуціна з эмісарамі ЗША Стывам Уіткафам і Джарэдам Кушнерам, якая адбылася 5 верасня, стала невялікім крокам у бок міру, заявіў прэс-сакратар расійскага лідара Дзмітрый Пяскоў, піша ТАСС.
«Безумоўна, любыя спробы больш-менш эфектыўныя, гэта адзін маленькі крок у бок міру», — сказаў прадстаўнік Крамля.
«Мы сапраўды вельмі высока цэнім міратворчыя намаганні амерыканскіх перамоўшчыкаў», — падкрэсліў ён.
Прэзідэнт Украіны Уладзімір Зяленскі правёў сёння нараду з перамоўнай групай па выніках сустрэч у Кіеве з прадстаўнікамі прэзідэнта Амерыкі.
«Правялі тры раўнды перамоў. Разам з намі таксама былі прадстаўнікі ЕС — Францыі, Вялікабрытаніі і Германіі. Асобна яшчэ ўчора пагаварыў са Стывам і Джарэдам сам-насам па выніках дня. Найважнейшае — працягваць актыўна і разам працаваць, каб дыпламатыя была. (…) Каардынуем далейшыя крокі. Рыхтуем наступныя сустрэчы і камунікацыю», — напісаў ён.