Пайшла з жыцця Наталля Адамовіч
Наталля Адамовіч нарадзілася вясной 1954 года ў сям’і пісьменніка Алеся Адамовіча і філолага Веры Адамовіч.
Шмат гадоў Наталля Адамовіч працавала ў Дзяржаўным літаратурна-мемарыяльным музеі Якуба Коласа.
Пасля смерці бацькі яна захоўвала і вывучала яго сямейны архіў, дапамагала публікаваць лісты і запісныя кніжкі пісьменніка, удзельнічала ў падрыхтоўцы новых выданняў яго твораў.
У 2007 годзе Наталля разам са сваёй маці Верай Сямёнаўнай уклала зборнік «…Имя сей звезде Чернобыль» з творамі і публікацыямі бацькі пра чарнобыльскую катастрофу.
Яе бацька пісьменнік і грамадскі дзеяч Алесь Адамовіч памёр у 1994 годзе, а маці Вера Адамовіч памерла ў 2014 годзе.