Боснія адклікае амаль усіх супрацоўнікаў пасольства ў Сербіі
Міністр замежных спраў Босніі і Герцагавіны Элмедзін Канакавіч абвясціў, што адносіны з Сербіяй будуць зведзеныя да мінімуму. Прычынай стала ўшанаванне ў Белградзе асуджанага за генацыд ваеннага злачынцы Раткі Младзіча.
Міністр замежных спраў Босніі і Герцагавіны Элмедзін Канакавіч. Скрын відэа
З пасольства ў Белградзе адклічуць усіх супрацоўнікаў, акрамя пасла і консула: прызначаць і адклікаць іх можа толькі Прэзідыум Босніі і Герцагавіны. Консульскія абавязкі перададуць супрацоўнікам пасольстваў у Заграбе і Падгорыцы.
На пахаванне Младзіча прыйшлі шматлікія чыноўнікі з Сербіі і сербскай часткі Босніі і Герцагавіны. Апошняй кропляй Канаковіч назваў банер «Курс на Потачары» падчас матча сербскага клуба «Црвены Звезды». У Потачарах знаходзіцца мемарыял ахвярам генацыду ў Срэбраніцы, за арганізацыю якога Младзіча прысудзілі да пажыццёвага зняволення.
«Калі б мог, я б ужо сёння разарваў дыпламатычныя адносіны з Сербіяй. Але я зраблю ўсё, што магу, каб звесці іх да мінімуму», — заявіў Канакавіч.