Бяляцкі: Пакуль не раю іншым паўтараць Пачобута
Лаўрэат Нобелеўскай прэміі міру, былы палітзняволены Алесь Бяляцкі адрэагаваў на гераічнае вяртанне Андрэя Пачобута ў Беларусь. Аддаючы належнае ягонаму ўчынку, ён у той жа час засцерагае іншых ад спроб проста цяпер ісці шляхам гэтага былога палітзняволенага.
Алесь Бяляцкі. Фота: «Наша Ніва»
«8 верасня. Анджэй Пачобут вярнуўся ў Беларусь. Гэта сведчыць, што ён смелы чалавек і гатовы рызыкаваць, дабіваючыся сваіх мэтаў.
Ці кажа гэта пра тое, што сітуацыя змянілася і ў Беларусь прыйшла адліга? Не. У 30‑я гады на будаўніцтва Беламорканала, які будавалі палітычныя зняволеныя, вазілі пісьменнікаў, у тым ліку і беларускіх, каб паказаць, як праца перавыхоўвае «злачынцаў». Неўзабаве і некаторыя з іх апынуліся на іншых гулагаўскіх новабудоўлях.
Не раю іншым палітычным уцекачам паўтараць тое, што зрабіў Анджэй, каб седзячы ў калоніі потым не дакараць сябе за даверлівасць. Хацеў бы і я так. Але ж новую крымінальную справу ўзбудзілі месяц таму. Прыйдзецца яшчэ трохі пачакаць», — піша Бяляцкі ў фэйсбуку.
Чытайце таксама:
З’явілася фота Анджэя Пачобута ў Гродне на беразе Нёмана
Рада Саюза палякаў у Беларусі ўпаўнаважыла Анжаліку Борыс на дзеянні для легалізацыі арганізацыі
Анджэй Пачобут вярнуўся ў Беларусь
З'езд Саюза палякаў у Беларусі адклалі. Але Пачобут усё адно паедзе ў Гродна