Што за будынак з'явіўся за гандлёвым цэнтрам «Мома» ў Мінску?
Ён амаль дабудаваны.
Фота: «Мінскбуд»
На Партызанскім праспекце ў Мінску, недалёка ад гандлёвага цэнтра «Мома», дабудоўваюць новы Дзяржаўны архіў.
Завяршыць яго плануюць сёлета, паведамляе «Мінскбуд».
Унутры цяпер вядуцца тынкавальныя працы, уладкаванне цэментна-пясчаных сцяжак, наліўных падлог, укладваецца гамагеннае пакрыццё і керамічная плітка, усталёўваюцца дзверы.
Частка памяшканняў у адміністрацыйным блоку гатовая. З кастрычніка можна будзе пачаць зборку мэблі.
На аб'ект пачалі заносіць мабільныя стэлажы для захоўвання архіўных матэрыялаў. Спецыяльнае абсталяванне будзе падтрымліваць неабходны мікраклімат.