Следам за нарвежскім каралём Харальдам памерла і ягоная сястра
11 верасня ў Нарвегіі памерла 94‑гадовая прынцэса Астрыд — сястра караля Харальда V, якога пахавалі толькі два дні таму. Пра яе смерць паведаміў Каралеўскі дом.
Прынцэса Астрыд. Фота: Stian Lysberg Solum
На знак жалобы сцяг на балконе Каралеўскага палаца ў гэты дзень будзе прыспушчаны. Таксама яго прыспусцяць у дзень пахавання прынцэсы.
Астрыд памерла праз два тыдні пасля смерці свайго малодшага брата, караля Харальда, які пайшоў з жыцця 28 жніўня. За некалькі дзён да смерці прынцэса прыязджала ў сабор Осла на інвалідным вазку, каб развітацца з братам перад яго пахаваннем.
На працягу многіх дзесяцігоддзяў Астрыд адыгрывала важную ролю ў жыцці нарвежскай каралеўскай сям’і. Пасля смерці сваёй маці, кронпрынцэсы Марты, у 1954 годзе яна ва ўзросце 22 гадоў фактычна ўзяла на сябе абавязкі першай лэдзі Нарвегіі.
Асаблівую ўвагу прынцэса надавала падтрымцы найбольш уразлівых груп насельніцтва і іх інтэграцыі ў грамадства.
Новы кароль Нарвегіі Хокан VIII заявіў, што на працягу доўгага жыцця Астрыд годна, цёпла і сумленна прадстаўляла каралеўскую сям’ю. Паводле яго слоў, сям’я шмат чаму ў яе навучылася, а сама прынцэса не баялася адкрыта выказваць сваё меркаванне. Ён назваў яе смерць вялікай стратай і адзначыў, што па ёй будуць сумаваць.
Чытайце таксама:
Хокан VIII афіцыйна стаў каралём Нарвегіі
Памёр кароль Нарвегіі Харальд V
Стан здароўя 89‑гадовага караля Нарвегіі рэзка пагоршыўся, уся каралеўская сям'я сабралася ў шпіталі