Улады прапануюць новае правіла для прыватных клінік
Доктар, каб пайсці працаваць у прыватную клініку, павінен адпрацаваць у дзяржаўнай сем гадоў.
Прыватны медэцнтр «Ладэ» ў Мінску
Зараз для працы ў прыватным медцэнтры трэба тры гады ў дзяржустанове. Новую норму абмяркоўваюць наступным чынам: сем гадоў у дзяржустанове і стаж не ніжэй за першую катэгорыю, піша News.by.
Міністр аховы здароўя Аляксандр Хаджаеў падкрэсліў: дакумент выносяць на шырокае абмеркаванне з прафесійнай супольнасцю.
Пакуль гэта толькі праект.
«Вельмі важна, каб тое глыбокае абмеркаванне і з прафесійнай супольнасцю, яшчэ раз вынясенне праекта на грамадскае абмеркаванне для таго, каб мы атрымалі больш шырокую інфармацыю. Вядома, гэта мае месца быць, і атрымліваючы гэтую інфармацыю, мы павінны яе ацэньваць», — сказаў ён.
Канчатковую норму будуць прымаць пасля збору водгукаў.