Шукаюць 18‑гадовага хлопца, які выйшаў з мэдцэнтра і знік
Вядзецца вышук 18‑гадовага Арсенія Дыноўскага, які знік у чацвер.
Ён выйшаў з медыцынскага цэнтра на вуліцы Якуба Коласа ў Мінску, паведамляе сталічная міліцыя.
Рост — каля 175 см, целасклад хударлявы, валасы доўгія, кучаравыя. Носіць акуляры.
У дзень знікнення быў апрануты ў куртку, быў у красоўках колеру хакі, цёмна-сіняй байцы з капюшонам, чорных штанах. Пры сабе меў чорны заплечнік.
Тых, каму вядома пра месцазнаходжанне маладога чалавека на фота, просяць звярнуцца ў Маскоўскае РУУС па тэлефонах: +375 (44) 726-03-04, +375 (17) 239— 63‑39 або 102.