Рабочы загінуў у Мінску, сарваўшыся з даху
Няшчасце здарылася сёння на вуліцы Сухараўскай, паведамляе СК.
Удзень брыгада будаўнікоў працавала на даху дзевяціпавярховага жылога дома. Падчас выканання работ 37‑гадовы рабочы страціў раўнавагу і сарваўся ўніз з вышыні.
Медыкі правялі комплекс рэанімацыйных мерапрыемстваў, аднак выратаваць мужчыну не ўдалося.