Медыкі: У новым сезоне будуць пераважаць тры вірусы
Зараз у краіне фіксуюцца звыклыя негрыпозныя інфекцыі.
У новым эпідэміялагічным сезоне ў Беларусі адначасова будуць цыркуляваць тры групы рэспіраторных узбуджальнікаў. Пра гэта папярэдзілі ў Рэспубліканскім цэнтры гігіены, эпідэміялогіі і грамадскага здароўя.
Зараз у краіне фіксуюцца звыклыя негрыпозныя інфекцыі.
Паводле прагнозаў медыкаў, у эпідэміялагічным сезоне 2026—2027 гадоў чакаецца адначасовая цыркуляцыя негрыпозных рэспіраторных узбуджальнікаў, класічных вірусаў грыпу, а таксама SARS-CoV-2.
Ва ўстановах аховы здароўя завяршаецца падрыхтоўка да штогадовай вакцынацыі супраць грыпу і інфекцыі COVID-19.
Для абароны ад COVID-19 пацыентам прапануюць расійскі прэпарат «Канвасэл», а для прафілактыкі грыпу — вакцыну «Грыпол Плюс».