Памочнік прэзідэнта Расіі Патрушаў: Варшава знікне за два-тры дні
Спецслужбіст палохае Польшчу бліцкрыгам.
Мікалай Патрушаў. Фота: Pavel Bednyakov, Sputnik, Kremlin Pool Photo via AP, File
Міністр замежных спраў Польшчы Радаслаў Сікорскі, заяўляючы пра вайсковую перавагу Польшчы над Расіяй, не ўсведамляе, што ў выпадку ваенных дзеянняў супраць Масквы Варшава знікне за два-тры дні, заявіў у інтэрв’ю «АіФ» памочнік прэзідэнта Расіі, былы сакратар Рады бяспекі Мікалай Патрушаў.
Патрушаў адзначыў, што кіраўнік польскай дыпламатыі відавочна па-дылетанцку ацэньвае ваенную моц Расіі і не хоча разумець, што падчас «спецыяльнай ваеннай аперацыі» Узброеныя сілы РФ не выкарыстоўваюць увесь свой патэнцыял.