На станцыі мінскага метро ў вагоне загарэўся паўэрбанк ВІДЭА
Днямі на станцыі метро «Няміга» ў вагоне ў пасажыра загарэўся акумулятар для мабільнай прылады. Здарэнне адбылося 13 верасня каля 20:00, піша агенцтва «Мінск-Навіны».
Скрыншот з відэа
Па інфармацыі тэлеграм-канала Мінскага метрапалітэна, у вагоне пачаў дыміцца паўэрбанк (па версіі відавочцаў — тэлефон). Сведкі здарэння паведамлялі, што прылада задымілася, а пасля распалася на некалькі частак.
Мяркуецца, што прычынай магла стаць няспраўнасць акумулятара, яго знос або перагрэў. Абгарэлую прыладу асцярожна вынеслі з вагона на платформу станцыі.
Пацярпелых у выніку здарэння не было. Рух цягнікоў на лініі таксама не перарываўся.
Чытайце таксама:
На станцыі метро «Кастрычніцкая» правядуць планавы рамонт эскалатараў
Прызначылі новага дырэктара Мінскага метрапалітэна
Маладая мінчанка вырашыла праехаць у метро — цяпер тры тыдні ходзіць на мыліцах
На станцыі метро «Слуцкі гасцінец» спынілі цягнікі і выклікалі ратавальнікаў