Коўл: Лукашэнка адпусціць 25 чалавек у абмен на санкцыі на «Лакафарбу» і «Беллеспаперпрам»
«Калі ўсе пытанні будуць вырашаныя і ўзгодненыя абодвума бакамі, адбудуцца дадатковыя вызваленні асобаў і зняцце санкцый з беларускіх кампаній».
«У якасці жэсту добрай волі Беларусь вызваліць 25 чалавек. Злучаныя Штаты, у сваю чаргу, здымуць санкцыі з дзвюх беларускіх кампаній — «Лакафарба» і «Беллесбумпрам», — заявіў спецыяльны пасланнік ЗША Джон Коўл.
Таксама ён сказаў, што бакі працягнуць працу над вырашэннем пытанняў, якія засталіся.
«Калі ўсе пытанні будуць вырашаныя і ўзгодненыя абодвума бакамі, адбудуцца дадатковыя вызваленні асобаў і дадатковае зняцце санкцый з беларускіх кампаній», — заявіў Джон Коўл.
Сам Джон Коўл не ведаў назваў беларускіх прадпрыемстваў, з якіх ЗША здымаюць санкцыі гэтым разам. «Лакафарбу» і «Беллеспаперапрам» зачытаў амерыканскі дыпламат Крыстафер Паніка.