Беларусы распрацоўваюць сімулятар мінскага трамвая. Што будзе ў гульні?

Мінскія трамваі пракацяцца па камп'ютарах беларусаў. Навінамі пра распрацоўку сімулятара для Windows і OS X дзеліцца канал @tramensk у Threads, заўважыла выданне Blizko.by.

Дата рэліза пакуль не называецца, але ўжо вядома, што гатовую гульню апублікуюць у Steam. Паводле слоў распрацоўшчыкаў, у ранняй версіі будзе даступны 9‑ы маршрут ДС «Серабранка» — Трактарны завод. Пазней дададуць трасу ад Серабранкі да Зялёнага Луга. Паабяцалі таксама ажывіць рэйкі на вуліцы Кастрычніцкай, дзе сапраўдныя трамваі ўжо не ездзяць.

Адказваючы на пытанні беларусаў, распрацоўшчыкі запэўнілі, што ў сімулятары будзе магчымасць пераключаць стрэлкі.

Таксама ў гульню дададуць беларускую мову.

Дата выхаду пакуль не называецца.

Каментары да артыкула