Зяленскі заявіў пра стварэнне «Карпацкай васьмёркі» — новага аб’яднання краін
Першы саміт праходзіць сёння ў Карпатах.
Фота з тэлеграм-канала Уладзіміра Зяленскага
Зяленскі заявіў пра стварэнне «Карпацкай васьмёркі» (С8) — новага аб’яднання краін. У аб’яднанне ўвайшлі Украіна, Румынія, Сербія, Польшча, Славакія, Чэхія, Аўстрыя і Венгрыя.
Супрацоўніцтва павінна ахапіць бяспеку, энергетыку, лагістыку, трансгранічную эканоміку і падтрымку мясцовых супольнасцяў.
«Гэта сур’ёзны пачатак руху, які павінен яшчэ больш зблізіць нашы краіны і стварыць на ўзроўні ЕС яшчэ адзін моцны элемент узаемадзеяння», — паведаміў прэзідэнт Украіны.