Гурт «На-На» стане хэдлайнерам абласных «Дажынак» у Дзяржынску
Абласныя «Дажынкі» ў Мінскай вобласці пройдуць у суботу.
Фота: Wikimedia Commons
Праграма фестывалю-кірмашу пачнецца а 11.00. Таксама з 11.00 пачнуцца выступленні творчых калектываў Мінскай вобласці, паведамляе БелТА.
У гэты ж час адкрыюцца гандлёвыя шэрагі і пункты грамадскага харчавання.
З 12.00 да 13.30 — таварыскі матч паміж камандамі ветэранаў Мінскай вобласці і зборнай ветэранаў спорту Беларусі, які пройдзе на гарадскім стадыёне.
Цырымоніі ўзнагароджання пераможцаў жніва і найлепшых сельскагаспадарчых прадпрыемстваў вобласці пачнуцца а 14.00.
А 16.00 на галоўнай плошчы горада адбудзецца асноўнае ўрачыстае мерапрыемства, на якім адзначаць пераможцаў жніва — 2026.
Канцэрт прафесійных артыстаў і аматарскіх калектываў Мінскай вобласці пачнецца а 18.30, а выступ некалі зорнай расійскай групы «На-На» пройдзе з 19.30 да 21.30.
А 21.30 — святочны салют.